Getxo Outlet: Getxoko Aukera eta Merkealdien Azoka

V Getxo Outlet: 2009ko Getxoko Aukera eta Merkealdien Azoka

Azoka 32.000 lagun baino gehiago elkartu ziren martxaoren 13tik 15ra Areetako Geltokiko Plazan zegoen karpan

32.000 lagun baino gehiago elkartu dira 'Getxo Outlet. 2009ko Getxoko Merkealdi eta Aukeren Azokaren V. edizioan. Azoka hau Areetako Geltokiko Plazan egin dute martxoaren 13, 14 eta 15eko asteburuan. Partaide kopuru honek ia hirukoizten du 2008ko urrian egindako Azokaren IV. edizioan izandako partaide kopurua.

Partaidetzaren arrakastak Getxo Enpresa eta Merkataritza (GEEM) elkartearen -Getxoko Udalak babestutako jarduera honen antolatzailea- aurreikuspenak gainditu ditu. Asistentziako data handi honekin batera parte hartu duten enpresak egindako salmentekin pozik agertu dira, eta hori Elkarteak Getxo Outletaren V. edizioa jardueraren ibilbidean jauzi kualitatiboa izateko egindako ahaleginaren ordaina da.

Izan ere, oraingo honetan Azoka berritasunez beterik zetorren. Lehenengoa, udalerriko erdialdean bertan dagoen 1.250 m2ko karpa batera aldatu izana, zehazki Areetako Geltokiko Plazan, Metroko sarreraren ondoan. Karparen kokapen honek aldeko eragina izan du hurbil kokaturik dauden enpresetan, hauentzat onuragarria izan baita jende asko hurbildu delako.

Azoka berritasunez beterik zetorren: kokapen berria, enpresa gehiagok parte hartu dute, merkataritzako azalera handiagoa, eta hurbildutako jendearentzat, eta hiru eguneko iraupena

Era berean, Azoka Areetako karpara aldatu izanak ahalbidetu du parte hartutako enpresa kopurua %12,5 handitzea. Guztira 45 izan dira, jarduera ekonomikoko 13 azpisektorekoak (moda, oinetakoak eta osagarriak, poltsak, lentzeria, etxea, kirol artikuluak, elikadura, opariak...).

Erakustokiei emandako eremua ere hazi da, hauek %20ko azalera irabazi baitute. Halaber, jendearen joan-etorria ere nabarmen hobetu eta erraztu zela.

Bestaldetik, Azokaren iraupena bitik hiru egunekoa izatera igaro da. Ostiralean goizeko 10:30ean zegoeneko -ordu hartan karpa jendearentzat zabaldu zuten- ilarak zeuden esparruan sartzeko. Bisitarien joan-etorria etengabekoa izan zen asteburuan zehar, itxi arte, igandeko 15.30ak arte alegia.

Getxo Outletaren V. edizio honen merkataritzako jarduera oso bizia izan zen, Azokan parte hartu duten enpresek eskaini dituzten opari ikusgarrien loteen zazpi zozketetarako bildutako milaka txartelek horrela erakusten duten bezalaxe. Txartel hauek ematen zituzten Azokako 45 erakusketako bakoitzean egindako erosketa bakoitzaren ostean. Janzteko arropa ugari, oinetakoak, poltsak, apaindurako artikuluak eta elikagaien lote bat ere zozketan sartutako artikuluetako batzuk izan ziren.

Halaber, txartelen bilketak bisitarien jatorria ezagutzeko ere balio izan zuen. Hauek, Getxotik eta Bizkaiko bestelako herri batzuetatik etortzeaz gainera, inguruko probintzia eta komunitateetatik ere etorri dira.

Laburbilduz, Azokak bere kokapena indartu du Bizkaian dauden mota honetako ekitaldi guztien kalitatezko Outlet gisa.

Getxo Enpresa eta Merkataritza elkarteak dagoeneko lan egiten du Getxo Outletaren VI. edizioaren prestaketan. Berau Algortan izango da irailean edo urrian.